Azərbaycan Federasiyası – İsveç (AFİ) 06.03.2011 tarixdə Yöteburq şəhərində 8 Mart Qadınlar bayramı münasibətilə yenidən geniş bir tədbir keçirdi. 2010-cu ildə olduğu kimi, bu il də tədbir yüksək düzeydə olmuş və xanımlar, öz dediklərinə görə, gerçək bir bayram günü yaşamışlar.
80-ə yaxın Azərbaycan xanımının qatıldığı bu tədbir dörd saatdan artıq davam etmiş və yaddaqalan bir tədbir kimi dəyərləndirilmişdir.
Rəsmi bölümü açan Bəyim xanım Rəhimova tədbirə qatılan və qatılmayan bütün Azərbaycan xanımlarını təbrik etdi, AFİ-nin təbriklərini yetirdi və belə bir tədbirin keçirilməsinə yenidən şərait yaratmış AFİ-yə xanımlar adından təşəkkürlərini bildirdi. Fürsətdən yararlanaraq, o, Yöteburqda keçiriləcək sonrakı tədbirlər, özəlliklə xanımların şirniyyat bişirmə yarışı və Novruz bayramı haqqında məlumat verdi.
Əfsanə xanım Bilgin Azərbaycan xanımlarını təbrik etdikdən sonra 8 Mart bayramının qısa tarixçəsinə toxundu, bu bayramla bağlı öz münasibətini bildirdi və Azərbaycan xanımlarının mübarizliyini vurğuladı.
Sonra Əxtər xanım Fərzanə qadınlara aid gözəl bir şeir söyləyərək xanımları təbrik etdi.
Tədbirin yeməkli-musiqili əyləncə bölümü öz səmimiliyi və xanımların yüksək aktivliyi ilə seçildi. İştirakçıların tədbirlə bağlı düşüncələri belə ümumiləşdirilə bilər: çox səmimi və yaddaqalan bir bayram oldu.
Şəkilləri böyük ölçüdə görmək üçün yükləyin
